Pentsalari honen jankiduria handia biltzen dituzten esaldiak eta bere bizitzari buruzko informazioa ekarri dizkigu oraingo honetan Josetxo Azkonak “Epiktetoren kutxa” saiora.
* Jakin badakit ez dakidala, hori da apaltasuna. Ez dakidana badakidala
pentsatzea, berriz, hori gaixotasuna da.
* Gutiago gobernatzen duenak, hobeki gobernatzen du.
* Milaka pausoko bidaia bat, lehenbiziko pausoa emanez hasten da.
* Jakintsuak ez du hitzen bidez irakasten, ekintzen bidez baizik.
* Begira ezazu zeinen zuria den zure inguru osoa. Baina gogoan eduki beltza
ere badela zure ingurua.
* Baldin eta malgua bazara, zuzen atxikiko duzu zeure burua.
* Aginduak ematen dituenaren perfekzioa, baketsu izatean datza; gerlariaren
perfekzioa, amorrurik ez izatean datza; garaitu nahi duenaren perfekzioa, ez
borrokatzean datza; gizakiez baliatu nahi duenaren perfekzioa, gizakien
mende jartzean datza
* Buztinezko ontzi bat, barnealdeko espazio hutsak balioesten du.
* Arrain bat ematen badiozu goseak amorratzen dabilen lagun bati, egun bakar
batean asetuko da soilik. Arrantzan egiten erakusten badiozu, ase eginen da
egun orotan.
* Bizitzan dena erraza dela uste duenari, zaila suertatuko zaio bizitza.
* Hitz dotoreak ez dira egiatiak eta hitz egiatiak ez dira dotoreak.
* Bai zure gorputzak eta bai zure espiritu-hatsak, bat egin dezatela, zirrikiturik
gabeko besarkadan.
* Ibiltari on batek ez du lurrean oinatzik uzten.
* Beldarrarentzat bere bizitzaren azken eguna den zera hori, pinpilinpauxa da
munduko bertze guztientzat.
* Lotzen dakienak ez du ez sokarik ez korapilorik erabiltzen. Eta, halaz eta
guztiz ere, inork ez daki hark lotutakoa askatzen.
* Daukanarekin kontent dabilena, aberatsa da.
* Erantzuna zure izatearen erdigunean dago: badakizu nor zaren, badakizu zer
nahi duzun ere.
* Oinkada handiz oinez dabilen hori ez da oso urrutira iritsiko.
* Buruzagi bat ona da, jendea hura badenik ere ohartzen ez bada. Horiek
horrela, buruzagiak bere zeregina burutu eta bere helburuak bete dituenean,
zera erranen du jendeak: geuk egin genuean.
* Ekintzak erantzun kate bat dakar berekin.
* Jankintsuak ez ditu ondasunak pilatzen. Zenbat eta gehiago lagundu lagun
hurkoari, hainbat eta onura gehiago bereganatzen du. Zenbat eta gehiago
eman bertzeei, hainbat eta gehiago eskuratzen du.
* Munduan gauza otzan eta ahulagorik ez dago ura baino. Alabaina, gogorra
eta kementsua den hori guztia ahultzeko garaian, ura baino ez dago deusik.
* Horrela, gisa honetan, existentziak eta existentziarik ezak, zailak eta errazak,
luzeak eta laburrak, garaiak eta baxuak bata eta bertzea ezagutzen
ahalbidetzen digute
* Hona hemen nire hiru altxorrak. Lehena bihozberatasuna. Bigarrena
urritasuna. Eta hirugarrena, zerupeko gauzen artean lehenbiziko izateari uko
egitea da.
* Atzaparrak eta arantzak baizik ez dira jaiotzen armadek kanpatzen duten
lekuan.