Hiriburuetan eta hainbat herritan liburu azokak eta bestelako ekitaldiak izango dira gaur, Nazioarteko Liburuaren Egunaren harira. Deskontu bereziak eta zenbaitetan, larrosak ere oparitan banatuko dituzte. Katalunian da ohitura, baina beste herrialdeetara ere zabaldu da dagoeneko eta Iruñean ere areagotuz doa liburuarekin larrosa bat jasotzearen tradizio hori.
Iruñeko Karlos III. Noblearen etorbidean hamazazpi liburu dendak erakusmahaiak jarri dituzte. Liburuak salgai jarri dituzte, eta %10eko beherapena izan dute, eta aipatu bezala, arrosak oparitu dizkiete hurreratu direnei.
Irakurzaletasuna sustatzea xede
Katakrak, Abarzuza, Auzolan eta Elkar liburudendek besteak beste, atera dituzte euren liburuak kalera. Katakrak liburudendako kide eta poeta Hedoi Etxartek Euskalerria irratian hitz egin du liburuaren egunaren aitzakian. Auzolaneko kide eta editore Unai Pascual ere izan da gurean.