Damba taldeak bere bigarren diskoa kaleratu berri du: "Hautsi...eta izan zaitez zu". Amparanoia ezagunaren estiloa euskal erara, batzuek esaten duten bezala.
Iparralde, Hegoalde eta Kubako musikariz osatutako talde honek erritmo eta doinu biziak dakarzkigu.
Ukitu latinoa duten 10 abesti, Miren Amuriza bertsolari ezagunaren hitzekin.
Estitxu Pinatxoren eta Aitziber Estangaren ahots goxo bezain indartsuek bandaren lan sendoa borobildu dute lan berri honetan. Biak izan dira hemen Arratsalde.on saioan beren diskoa aurkezten.