Atzera begira jarri eta a ze panorama erakusten duen Nafarroako gobernua euskararekin egiten ari denak: lugorria.
Banan-banan joan dira desagertzen diru sailak, banan-banan proiektuak, ekimenak, egitasmoak. Banan-banan joan dira apaltzen diskurtsoak, banan-banan lan lerroak. Banan-banan deuseztu dituzte ahaleginak, elkarlanak, konpromisoak. Banan-banan joan dira botatzen zubiak, banan-banan hautsi dituzte adostasunak. Banan-banan itxi dituzte bulegoak, banan-banan lekualdatu funtzionarioak, banan-banan hustu lan mahaiak, banan-banan itzali argiak.
Banan-banan, UPNk ukatu egin du euskararen alde egin zezakeen oro. Banan-banan, dekretuz dekretu, hizkuntz politika eraginkorra bultzatu du. Ezerezarena.