Batzuk Ibarretxez oroitu ziren atzo Madrilgo Kongresukoa ikusirik. Ez ziren erabat gauza bera. Kataluniako Parlamentuak erreferenduma egiteko baimena eskatu zien atzo Espainiako gorteei. Lehendakari laudioarrak, 2005ean, Estatutu berri baten proiektua eraman zuen lehoien jauregira. Emaitza da parekagarria: ezezko biribila, estatuko alderdi nagusien aldetik. Baiezko bakarra eta aski eza, gutxiengoen eta estatuko bertze alderdi abertzaleek emana. Bada, gainera, bertze desberdintasun bat: Ibarretxek ez zuen B planik. Kongresuak ezezkoa eman ondoan, bere proiektua hondora joan zen, Euskadin berean ez baitzuen hainbertzerako sostengurik. Kataluniako soberanistek bai, badute B plana, eta inportanteena dena, kataluniar gehienen sostengua.
