Bilduko Bakartxo Ruiz, Nafarroa Bai-Aralarko Patxi Zabaleta, Geroa Bai-EAJko Manu Aierdi eta Ezkerrako Ioseba Ezeolaza egoera politikoaz aritu zaizkigu solasean. Bertsozaleen Elkarteko Lorea Arburuak eta AEKko Helios del Santok, bertsogintzak eskoletan eta euskaltegiek diru laguntzarik ez dutela jasotzen salatu dute gurean. Joxerra Aizpurua teknologia adituarekin pantailak eta familia izan ditugu mintzagai: gurasoak eta seme-alabak, telebista, internet, telefonoak... Atzo Espainiako Kongresuan Kataluniako kontsultaz mintzatu ziren. CAT-DEM fundazioko kide Martin Aranburu politologoarekin eta Berriako kazetari Ion Orzaizekin aritu gara horri buruz.
