Nafarroako Ubidea handitzeko obrak OHL-CAIXA-AGBAR enpresa multzoak eginen ditu: Nafarroako Gobernuak dio obra "garrantzitsua dela, "garapen ekonomikoa, lurraldearen oreka eta enplegua" sortuko dituelako. Oposizioko taldeek zalantzan jarri dute azpiegitura erraldoi horren beharra eta prozedura. Arlo sozialean, oinarrizko errentaren aldeko plataformak dio babes soziala txikitzen ari dela Gobernua. Arartekoak iaz aurreko urtean baino kexa gutxiago jaso ditu, baina behar gorrian dagoen jendeak jo du berarengana. Festa girokoetan, apirilaren 27an ospatuko dute Baigorrin Nafarroaren eguna. Peñen Federazioak Iruñeko peñen historia jasotzen duen liburua aurkeztu du. Iritzien Plazan, gaur: Alberto Barandiaran.
