Mugak ez daude ibaietan. Ezta mendietan ere. Buruan, buruan daude mugak, kontzientzietan.
Iparraldeko sozialista frantsesak eta euskal abertzaleak bat etorri dira zenbait herritan, hurrengo udal hauteskundeetan barku bertsuan abiatzeko. Kohabitazio-mota baten argazkia da hori: desberdinen arteko ekintza politikorako harreman mugatua; baina harremana, proiektu baten inguruan.
Bidasoaz hegoaldera ezinezkoa dena, posible da ibaiaz iparraldera. Iruñean ezin dena, posible da Baionan.
Hara zer deigarria den kontua: protagonista bertsuekin eta dekoratu antzekoarekin, argazkiak zein desberdin izan daitezkeen…
Hori bai, batzuetan emaitzak lurruntzen du eszenategia, halako moldez lurrundu, non ematen baitu obra bera ere desberdina dela…