Argazkian Miguel Sanz nafar presidente ohia, pentsakor. Begietan kezka bat nabari zaio: ‘Ez nuen asmatu, honek ondoratu egingo gaitu’.
Oraindik gauzak airean zeudela hauteskundeak aurerratzea eskatu zuen. Badirudi arrisku bizian ikusten duela gaurko nafar establishment-a egoera areago usteltzen bada.
Orain jakina da Barcina ez duela Jimenezek botako, baina bere alderdiak kendu lezake, hauteskundeak deitzera behartu eta Catalan zerrendaburu jarrita. Ez daukate garbi maiatzean baleko emaitza lortuko luketenik, baina ziurra da gauzak daudenetan aldiro sortuko zaiela pitzadura berriren bat, eta urte bete barru ez dutela agintean irauteko aukerarik izango.
Horregatik dago Miguelico pentsakor. Hausnartzen ari da ea Barcina eta Jimenez ezkutatuta maiatzean aukeraren bat egon daitekeen. ‘Alfredorekin hitz egin beharko dut’ irakurri diot bekokian.