Parlamentuko ikerketa batzordeak bihar emanen ditu ondorioak, eta bitartean, alderdi sozialistak zer eginen duen argitu gabe jarraitzen du. Roberto Jimenezek esan du "zuhur" jokatzeko unea dela, eta ondorioak ezagutu arte itxaron behar dela. El Mundo egunkariak dio PSOEk baztertu duela zentsura mozioaren aukera. Ibai Fernandez eta Joxerra Senar kazetariek duela bi aste baino aukera gutxiago ikusten dituzte orain. Bitartean, aldaketa sozial eta politikoa aldarrikatzeko ekimenak sortzen ari dira: Aldaketaren Plaza, batetik, Duintasunaren Martxa, bestetik. Larunbatean abiatuko da Iruñetik; 30 eragile sozial, sindikal eta politikoren babesa jaso du.
