Gaur ere Ukrainara begira jarri naiz; handik dator atentzioa eman didan argazkia. Oholtza batean, belauniko daude polizia omen diren lagun batzuk. Poliziak, belauniko.
Ez dira maiz ikusten horrela poliziak, elizatik kanpo. Eta hala daude: elizatik kanpo, plaza baten erdian, oholtza gainean, denen bistan. Argazki-oinak dioenez, barkamena eskatzen diote herriari, Ukrainiako herriari, azken asteotako sarraskiak direla eta, herritarren aurka erabili duten errepresioa dela eta.
Hori guztia egia izatera, Paradisua Ukrainan zela pentsatzen hasteko moduan geundeke… Atentzioa ematen duten argazki asko datoz aspaldion Ukrainatik, baina urria da informazioa: benetakoa urri dator.
Batzuetan ematen du Ukrainan Yanukovitx-ekin egin nahi dutela behinola Errumanian Ceaucescu-rekin egin zuten berbera. Auskalo.