Gaurko argazkia autoerretratua da, esan nahi baita argazkilaria bera dagoela argazkian, hau da, ni neu. Izan ere, larunbatean utzi nion TOKIKOM bateragunearen presidente izateari, erabat hustuta bi urte oso beteak igaro ondoren. Hazi batzuk erein ditugu denbora honetan eta emaitzak luze gabe bistaratuko dira, han eta hemen, baita Nafarroan ere, baita Iruñerrian. Urko Aristi kazetari nafarrak hartu du ereindakoa ongarritzeko eta ureztatzeko lana. Eta bikain egingo du hori, badakit.
Apirilaren hasieran utziko dut beste presidentzia, Euskaltzaleen Topagunearena, hemen ere eman nezakeen guztia emanda. Eta une horretan berreskuratuko dut nire ahots propioa, ordezkari izan bitartean talde ahotsaren pean gorde dudana, ordezkatuei zor. Beraz, apiriletik aurrera libreago, zuen baimenarekin.