1918tik honaino egindako lanari jarraipena eman nahi dio EUSKO IKASKUNTZAk.
Berezkoa duen izaerari eta nortasunari eutsiz, egungo baldintzatzaile ekonomiko eta kulturalek beharturik garai berrietara egokituz, eta hortik eskaintza propioa eratuz, beste inorena ez bezalakoa.
Unibertsitateek eta beste erakundeek egiterik ez dutena identifikatu eta jakintzaren arlo anitzen arteko kokalekua aurkitzea du zereginetako bat.
Orain artekoa baino egitura txikiagoarekin, diru baliagaiak laurdenera murrizturik, eta honen ondorioz egitura ttipitzeak ekarri duen lanpostuen galera garratzari aurre eginez, Iñaki Dorronsorok, Eusko Ikaskuntzako lehendakariak erakunde honen aldi berri honetako nondik norakoak agertu dizkigu Iruñeko Euskalerria Irratian.