Berotu da, gogotik berotu ere, nafar agertoki politikoa. Oraingoan ere, ustelkeria, hau da ondare eta baliabide publikoen erabilpen pribatua dago auziaren erdian. Bagenekien, baina agerian gelditu da -berriz ere- batzuendako instituzioak negozioak egiteko tresnak direla, bestelako aldarrikapenak egiten badituzte ere.
Bitxia da, beren burua instituzionalistatzat hartzen dutenak instituzioak ari dira zikintzen, jendeak haiekiko gero eta konfidantza guttiago duelarik. Hainbeste kritikatu instituzioen aurreko jarrera kritikoa genuenak eta, finean, haiek dinamitatu dituzte. Haiek eman diote su beren Navarra foral eta españolari!