Gaurko argazkia bikoitza da. Ezkerrean espainiar alderdi popularreko idazkari nagusia, Cospedal anderea. Nire lagun batek Maricospe deitzen dio. Eta eskuinean nafar gobernuko lehendakaria, Barcina anderea. Bere lagun batek Yoli deitu dio bideo gogoangarrian. Kasu honetan, esan gabe doa, ezker eta eskuin kokapen fisiko hutsak dira.
Isilik daudela bi emakumeek antza dute, eta areago izango lukete Maricosperi ilea belztu eta bost urte erantsi ezkero, edo Yoliri alderantziz. Argazkia bideo bihurtu eta hitzegiten hasten direnean orduan bihurtzen dira bat: gainditu ezin diren marra gorriak, bildu ezin diren bozkak, zatitu ezin den aberria...
Maricospe eta Yoli, zabor artean garbi, amildegi ertzean tente, Espainia ixten Santiago lagun.