Ogasun zuzendariak eginiko aitorpen eta akusazioak sekulako iskanbila sortu duen arren, zerk harritzen gaituen ez dut oso ongi ulertzen.
Ez al genekien ba Nafarroan, aspalditik gainera, ustelkeria ohiutura bilakatua zela?
"Ohitura moralaren edo ordena publikoaren aurkakoa ez bada legearen aurkakoa izan arren, lehentasuna du zuzenbide idatziaren aurretik."
Eta horrela ibili izan dira beti UPN-PSN koak: legearen gainetik, "ona eta gaitza" zer den haiek erabakitzen "ordena publikoaren" defendatzaile bezala agertu izan diren bitartean.
Azkenik, ordea, badirudi erregimenaren garaia amaitzear dagoela. Ea oraingoan bai, ez dugun gobernu ustel bat beste gobernu ustel batez aldatzen. Ea aurrerantzean ustelkeria saihesteko neurriak ipintzeko kapazak garen eta benetako sistema demokratiko bat sustatzen dugun guztion artean, kalean entzuten diren ahotsak kontuan hartuko dituena eta pertsonen beharrei aurre egingo diena.
HAs gaitezen bada lanean ilusioa indar eratzaile eta iraultzaile bilaka dadin!
Ustelak erakundeetatik at nahi ditugu eta!