Bertso eguna ospatu dugu orain gutxi generoaren inguruan. Eta oraindik gaude bertso resakarekin. Baina hori ez da nahikoa kantatzeari uzteko.
Oraintxe hasiko gara eta Nafarroako Taldekako Bertso Sariketarekin. Bardoak izeneko ekimenarekin.
Eta zer da bada Bardoak?
Bertsolaritza da, kolektibotik ulertuta eta ez soilik norbanakotik. Errima eta doinuak eremu berrietara zabaltzeko hautua da. Bertsoa bertsozale ez direnengana heltzeko saiakera. Lagunarteko jolasa. Kantua. Inprobisazioa eta batez ere gauzak beste era batean egiteko gogoa.
Da gaztetxea oholtza bihurtzea. Kultur etxea tabladu eta auzokideak kantukide.
Da 20 saio baino gehiago Nafarroa osoan. Hau da, baina askoz gehiago ere bai.
Beraz, orain badakizula Nafarroako Taldekako Bertso Ekimena zer den, galduko duzu?