Foru Ogasunean gertatzen ari dena da albiste nagusia gaur: Lourdes Goikoetxeak onartu du "tentsioak" eragin dituela departamentuan zerga bidezko bilketa jaisteak. Murrizketa gehiago iragarri ditu Gobernuak: Fundazio publikoak gutxitu eginen ditu, 12tik 4ra. Parlamentuan, osasun arloko gaiak: Nafarroako Osasun Plataformak bat egin du landa eremuetako udalek egin duten proposamenarekin; Medicos del Mundo elkarteak etorkinei ere osasun arreta ziurtatzeko Foru Legearen "izpiritua" defendatzeko eskatu dio Gobernuari. Alberto Catalanek batzorde horretara sartzea galarazi dio SOS Arrazakeria elkarteko ordezkariari, Oinarrizko Errentaren plataformakoa ere badelako. Iritziaren Plazan, gaur: Jon Abril.
