Santiago Cervera epaitegian. Parlamentuan, D ereduaren inguruan Guardia Zibilak egina omen duen txostenaren harira, Barcina gaitzesteko eskaera aztertuko dute, eta Barcinak berak ta Iribasek azalpenak ematera joan beharko dute. Irrati lizentzien gaian, lan saioak eginen dituzte Juan Luis Sanchez de Muniainekin eta Euskalerria Irratiko ordezkariekin. Dimisio bat ere bai: Idoia Nieves Foru Ogasuneko zuzendari nagusiarena. Jose Raul Goñik hartuko du haren tokia. Dimisioaren arrazoiak azaltzeko eskatu diote Gobernuari I-Ek eta Geroa baik. Erietxeetako sukalde zerbitzua pribatizatu zutenetik urtebete joan delarik gauzak okerrago daudela salatu dute langile ohiek eta erabiltzaileek; bihar arratsean elkarretaratzea eginen dute Bideko Amaren Erietxearen parean berriz ere zerbitzua publikoa izan dadin. Iritziaren Plazan, gaur: Edurne Elizondo.
