Oraindik digeritu ezinik ari gara eguberriek erosteko eta kontsumitzeko ekartzen dizkiguten dei eta gonbiten betekada, eta jada gainean dugu beherapenen amuari kosk egitera animatzen gaituzten iradokizun eta proposamenen jasa.
Eta kontsumismoaren gailurrean gaudelako antza osoa hartzen duen aldi honetan, beti etortzen zait burura galdera bera: zergatik komunikabideek saltoki handi eta ezagun baten irudiak erabiltzen dituzten, ia beti, gaia ilustratzeko, eta zergatik ez duten erakusten, ia inoiz, hemengo denda txikien irudirik.