Azken egunotan, D ereduko irakasle eta ikasleen hitzak jaso ditugu irratian. Haien berri izan dugu. Egunero ikasten dutena. Eguneroko lana erakutsi digute. Gaurkoan guraso bat ekarri nahi izan dugu. Roberto Perez Elortza 47 urteko iruindarra da. Arrosadiako auzoan hazitakoa haurtzaroan. Gaztelaniaz ikasi zuen. Garai hartan ez zegoen eskolarik bere inguruan. Ingeles Filologia ikasi zuen Zaragozan. Horren ondoren, irakaskuntza publikoan plaza lortu eta bere burua birziklatzea erabaki zuen. Bi urtetan ikasi zuen euskara.
D ereduan, irakasle eta guraso
Modu horretan, D ereduan hasi zen lanean. Irakasle izan zen eta zuzendaritza ardura ere hartu zuen Burlatako Askatasuna Institutuan. Bitartean, semea alabak eduki eta haiek ere euskarazko eskolara eramateko erabakia hartu zuten familian. Egun, unibertsitatean ere euskaraz jarraitzen dute haien ikasketak egiten. Roberto Perez Elorza, D ereduarekin lotura zuzena duen hasiera bateko ikaslea, egungo irakaslea, eta etengabeko gurasoaren esperientzia ezagutu dugu Metrópoli Forala saioan.