Guardia Zibilak egin omen zuen txosten bat non "D" ereduaren irakasleak agertzen baitira. Diario de Navarra egunkariak argitaratu zuen eta, beste batzuen artean, Carlos Salvador UPNko diputatuak erabili; bere iritziz, ezker abertzaleak estrategia izanen luke Nafarroako hezkuntza gaiztotzeko.
Horrek susmoa piztu dit. Aspalditik, nire adiskide batzuk eta lagun ugari ezker abertzalekoak izan dira; baita zenbait berri ere. Hauxe nire susmoa: izanen al naiz ni ere ezker abertzalearen estrategia estali baten helburua? Ni gaiztotzeko estrategia?
Salvador eta konpainia: noraino heltzeko prest zaudete? Noiz jakinen dugu zein neurrikoa den zuen ergelkeria? Edo faxismo arora itzuli nahi al duzue? Bakean utziko al gaituzue noizbait?
P.S.: 2 urteko kartzela zigorra, tartek ahaldun baten aurpegia estaltzeagatik; kaka zaharra Estatu horrentzat!