Parlamentuko osoko bilkuratik: banketxeei zerga berezi bat ezartzeko lege proposamena aztertzeari baietz; homosexual, bisexual eta transexualei arreta eskaintzeko bulego bat sortzeko proposamenari ezetz. D ereduaren inguruko polemikan, PSNk Guardia Zibilaren txostena Parlamentuari emateko exijitu dio Gobernuari; hika-mika zakarra Bilduko Bakartxo Ruiz eta Jose Iribas kontseilariaren artean. "Euskaraz bizi eta ikasi" izeneko herri ekimena sortu dute, eremu ez-euskalduneko herritarren euskaraz ikasteko eskubidea aldarrikatzeko. Eguesibarren haserre, UPNren Gobernuak eskola berririk gabe utzi dituelako oraingoz. Tartalarien auzian bi eta urtebeteko espetxe zigorrak jaso dituzten Mugituko kideei sentsazio "gazi-gozoa" utzi die sententziak; helegitea aurkeztuko dutela iragarri dute. Iritziaren plazan, Iruñerrian Gaur, Jon Abril.
