Felipe Uriarte eta Oinatz Bengoetxea, gure estudioan solasean
Oinatz Bengoetxea pilotaria hurbildu da aste honetan Felipe Uriarte mendizaleak gure irratian gidatzen duen Irrintzi Aterpea saiora. “Niretzat mendia pasioa da, natura asko maite dut eta ahal dudan guztietan ihes egiten dut”, azaldu dio Bengoetxeak Uriarteri.
Inguruko mendietan asko ibiltzen dela dio aurrelari trebeak: “Pirinioak ongi ezagutzen ditut, Alpeetan ere maiz izan naiz, baina urrunago ere joan nahiko nuke. Himalayara eta Peruko mendietara joan nahiko nuke”.
Ez dago zertan gailurrera iritsi
Lau t’erdiko txapelketa jokatzen ari da asteotan. Kaiolan txukun ari da Bengoetxea. Lasai eta sasoiko dagoela adierazi du: “Txapela irabaztea ongi dago baina finalera iristea ere gauza handia da”. Mendian ere antzera ibiltzen da pilotari mendizalea: “Mendian ez dago zertan gailurrera iritsi, bidea da garrantzitsuena”
Elkarrizketa osorik entzuteko, klikatu lerroon azpian.