Nafarroako Gobernutik esandakoa ekarri dugu lerroburura. Aurrekontu proiektuan ezarri zitezkeen aldaketak eginda, dagoeneko, osatu du egitasmoa, itxi du. Hurrengo pausoa Parlamentura bideratzea da, hortaz. Bestelakoak ere aipatu ditu Gobernuko eledunak: Filipinetara Nafarroatik 48.000 euroko diru laguntza bideratuko dutela. Nafarroako Parlamentuko alderdien hitzak ere ekarri ditugu albistegira: etxebizitza hutsez, Abiadura Handiko Trenaz eta Parot Doktrinaz solastu dira. Oinarrizko Errentaren Aldeko Plataformaren protestaren berri ere izan dugu eta Sustrai Erakuntzak judizialki jarria duen helegiteaz ere bai.
