Protesta egiteak ez omen du deusetarako balio, baina protestek atzera eginarazi diote Wert Hezkuntza ministroari. Raxoyren mutikorik gorrotatuenak isil-gordean aldatu zituen Erasmus beketarako baldintzak. Estatuko Aldizkari Ofizialean argitaratu eta kito, inor ohartuko ez zelakoan. Asteburuan, Italian dagoen ikasle batek erreparatu zion azpi-jokoari. Lagunei wasapak igorri, eta horiek bertze lagun batzuei. Suak sarea hartu zuen berehala. Kontuak saretik egunkari eta telebistetara egin zuen jauzi, eta horrek zalaparta areagotu. Atzo goizean berean Wert bere neurrien alde atera zen. Zortzi ordu geroago, neurri horiek bertan behera utzi zituen. Balio du protesta egiteak. Merezi du asotsa eta zarata ateratzea. Bataila tiki bat irabazi da. Gerla luzea izanen da, alabaina.
