Garbiñe Urreizti Nafarroako Urrutiko Hizkuntza Eskolako zuzendariak apirilean irakurri zuen bere doktoretza tesia Nafarroako Unibertsitate Publikoan. Bertan Nafarroako D hizkuntz-ereduan dauden Batxilergoko 1. mailako ikasleen mintzamena, euskaran eta arlo formalean, aztertu du. Ondorio nagusiak dira gazte hauek komunikatzeko gai direla alor akademikoan, nahiz eta akatsak egin.
Zer nolako hizkuntza kalitatea duten, zeintzu diren gehien errepikatzen diren akatsak, zer alde dauden eremu euskaldun, ez euskaldun eta mixtoko ikasleen artean, zer pertzepzio duten honetaz gazteek...hori dena aztertu dute lan sakon eta zehatz honetan. Argi dagoena da erabilera sustatu behar dela nork berak bere hizkuntza bizirik eta erabilgarri mantendu nahi badu.