Azken hiruhilekoan, Estatu espainiarraren ekonomia %0,1 hazi omen da; beraz, teknikoki errezesiotik atera da.
Bitartean, langabeziaren kopurua 6 miloi pertsona ingurukoa da. Etxebizitza galdu duten pertsonak ehun milaka zenbatzen dira. Pobrezian sarturik daudenak, milioika. Gero eta familia gehiago hurbiltzen dira elikagai bankuetara eta gizarte langileengana bere umeentzako janari bila.
Montoro ministroak botila erdi beterik ikustea nahiago du eta tuneleko muturrean argia ikusteaz gain, krisiaren irtenbidea ere ikusten dela esan du, errezesioa eta krisia kontzeptuak nahastu nahian.
Ai Cristóbal, Cristóbal, zer egin dugu zu bezalako pertsonaiak jasan behar izateko?