Ines del Rio presoa aske uztea erabaki du aho batez Auzitegi Nazionalak. Espetxetik noiz aterako zain daude haren familia eta lagunak Teixeirako kartzela atarian. Iruñerrian Gaur albistegian Amaia Izko abokatuak hara zihoala esan dizkigunak jaso ditugu, Joxerra Senar BERRIA egunkariko kazetariak espetxe ataritik egin digun kronika, Martxelo Diaz eta Ibai Fernandez kazetarien analisia, eta Gaizka Arangurenen iritzia. Bestetik, 54.000 euroko isuna ezarri dio Eusko Alkartasunari Industria Ministerioak ETBren antena jartzeagatik; prozedura irregulartasunez betea dagoela salatu du EAk. Auzitegi Goreneko fiskaltzak ez du deliturik ikusten Uxue Barkosen jokaeran Iruñeko Udaleko dietak hartzerakoan. Lan arloan, ELAk zerbitzu publikoen alde egin duen elkarretaratzea eta Iruñeko Udaleko Haurrentzako Programetan lan egiten dutenena albiste.
