Sanfermin Txikiko festen atarian, Jai Batzordeak UPNren debekuei aurre nola egin aztertzen jarraitzen du, auzolagunekin batera. Batzordeak antolatu dituzte lanerako. Eta kalean festak aldarrikatu dituzte, iragan larunbatean, adibidez, kalejira jendetsu eta alaia eginda.
Udal agintaritzaren azken erabakiaren berririk ez dute. Gaur (hilak 24) arratsalderako agerraldi publikoa antolatu du Jai Batzordeak zer eginen duten azaltzeko. Printzipioz, prestatua daukaten egitarauari eutsiko dio jai batzordeak, eta Redinen barra jartzeko aukera ere buruan daukate. Batzordeko kide Nor Rodriguezekin mintzatu gara Metropoli Forala saioan.