Tuterak hartuko du aurtengo Nafarroa Oinez jai handiaren ospakizuna. Urrian izanen da ohi moduan eta Taupadaz bat egiteko deia luzatua dute. Eguna iritsi aitzin baina, badira Tuterako Argia ikastola ekonomikoki laguntzeko bestelako aukerak ere. Abian jarri dute Nafarroa Oinezek izanen dituen 6.000 metroen salmeta. Maru Eriz ari da Argia ikastolako irakaslea eta hark azaldu digu nola eros daitekeen halako metroetako bat. Animazioa ere izan dugu protagonista Guardasola saioan. Urko Mauduit Irurtzungo gazteak Martina izeneko animazio laburmetraia aurkeztu berri du Argentinako lehiaketan. Martinaren ametsen barnean sarrarazi gaitu irratiko uhinen bidez. Pentsioez ere solastu gara Sasoia Elkarteko Luis Igeltzekin. Pentsioak zein egoeratan gera daitezkeen azaldu digu erreformak planteatzen dituen aldaketekin.