Hiru gazte atxilotu ditu Espainiako Poliziak txupinazoan udaletxe plazan izan ziren liskarrekin lotuta. Desordena larriak eragitea leporatzen diete, Espainiako Gobernuaren ordezkaritzaren arabera. Artzai Santesteban da atxilotuetako bat, Ateak Ireki webgunearen arabera. 15 urteko mutil bat hil da Ilundaingo adingabeen zentroan. Ekainaren bukaeran bere buruaz beste egin zuen, zigortuta zeukatela. UPNk dio "nazka" eragiten diola Bárcenas auziak, eta uste du "mugak" jarri behar zaizkiola alderdi politikoen finantzazio "ilunari". Horretarako batzorde bat sortu dezatela proposatuko du Kongresuan. Nafarroako parlamentuan, ordea, ez du ikerketa batzorderik nahi CAN auzia argitzeko. Esan du Sergio Sayasek "batere zerikusirik" ez dutela bi auziek. Eta hilabete joan da Iruñerrian inoizko uholde larrienak gertatu zirenetik, eta gauzak zertan diren kontatu digute Atarrabiako alkate Kirio Gastearenak eta Landareko langile David Garnatxok.
