Gertatu egin da, jada!. Alea jacta est. Barzina inputazioaren amildegitik behera erori da, espainiar fiskalek salbatzeko asmoa duten arrean. Kasu, ez dut esaten inputaturik izanen denik. Are gutiago noizbait epaitu edota zigortuko dutenik. Baina, aipatu bezala, amildegirik behera doa, gelditzeko aukerarik gabe. Eta UPNkoek nahiz Nafarroan benetan agintzen duten gainontzekoek ederki dakite.
Zaila da zer gertatuko den jakitea, baina Barzina amortizatuta dago. Politikoki larriki zauriturik, esan genezake. Afera da nola baztertu Barzina erregimena arriskuan jarri gabe, baina Nafarroako eskubiak ongi erakutsi digu urteetan zehar lehentasunak argi dituela. Zepoan hanka harrapaturik duen axeriarena eginen dute? Ikusiko. Baina, edonola ere, urrun gelditzen dira, oso urrun, Barzinaren amets handiak!