Ez naiz Zangozan izan aspaldian, ez dut hango jendearekin hitz egin, baina ni ere kezkatuta egongo nintzateke inork nahikoa ziurtasun emango ez balit hor goian, ez oso urrun, dagoen ur baltsa ikaragarri hori goitik behera inoiz etorriko ote den. Ez dira ekologisten kexuak, edo bertako bizilagun batzuen kritikak urtegia are gehiago handitu nahi izateagatik. Ez da hori bakarrik. Teknikarien kezka da larriena, arkitektoen salaketa, udal agintarien urduritasuna, eta, batez ere, ebidentzia fisikoak, hura mugitzen ari dela. Pareta erraldoi hori lerratzen ari dela, eta egoera honetan, urtegia are gehiago handitzea astakeria bat dela.
Kezkagarriena herritarrek horrelakoen aurrean izaten duten babes falta da. Horregatik da hain garrantzitsua ahalik eta informazio gehien edukitza. Horregatik da hain interesgarria Eguzki Bideokoek, bertako elkartekoekin batera, egin nahi duten dokumentala. Diru bila dabiltza: sartu Verkami izeneko orrian, eta bilatu Rene Petiten amesgaiztoa. 10 eurotik aurrera egin dezakezu ekarpena.