Arratsalde.on saioan politika arloko azken berriak izan ditugu. Edurne Egino Izkierda-Ezkerrako zinegotziarekin hitz egin dugu. Atzo zekarren kazeta batek informazioa gezurtatu du: dietak bera bere buruarekin biltzeagatik jasotzen dituela zioen informazioak eta halakorik gertatzen ez dela dio Eginok. Aktualitateko bestelako gaiak ere izan ditugu: Goi Tentsioko Linearen aurkako plataformak bizikleta martxa eginen duela edo Uharteko eskola publikoan D ereduaren aldeko plataforma sortu dela, hain zuzen, D eredua babestu, bultzatu eta sustatzeko. Krisiari gertutik begiratu diogu bigarren orduan. Argentinara joandako familia nafarrarekin mintzatu gara euren bidaiaren zergatiak ezagutzeko. Gainera asteburuari begira ere jarri gara bederatzigarren txalaparta topaketan barneratuz.