Miguel Sanz epaitegian, inputatuta. "Ez naiz sekula aberastu", esan du Maria Paz Benito epailearen aurrean deklaratu ondoren. Azaldu du ez diela erantzun UPyDren eta Kontuzen galderei. Hiru ordu eta erdi pasa ditu deklaratzen. Oihu artean iritsi da epaitegira goizeko 9:20an. Astelehenean Enrique Maya Iruñeko alkateak deklaratu beharko du Iruñeko 3. Instrukzioko epailearen aurrean; asteartean, Alvaro Miranda Nafarroako Gobernuko presidenteorde ohi eta Ekonomia eta Ogasun kontseilari izandakoak. Goizean Nafarroako Justizia Auzitegian gertatu denaren kronika, eta Fermin Erbiti eta Gaizka Arangurenen analisiak, Iruñerrian Gaur. Errepublikaren egunaren haritik, Gakoa: Laura Perez Ruanok.
