Jorge Oteiza (Orio, 1908-Donostia 2003). Eskultore, poeta, pentsalari, arkitekto kultur eragile. Hamar urte betetzen dira gaur artista gipuzkoarra hil zela. Jose Angel Irigarai, Oteiza Fundazioko patronatoko kideak artista gipuzkoarraren ibilbide bitalaz, haren izateko maneraz eta lan artistikoaz hainbat azalpen eman dizkigu Metrópoli Foralean.
Irigarairen ustez, “Oteiza, artista poliedriko, global eta jeniala izan zen. Nortasun handiko gizona eta formazio oso zabaleko artista”. Artearen dimentsio dekoratibo eta estetiko hutsak ez zuen erakartzen Oteiza. Jose Angel Irigaraik honela dio: ”Artea, herria eta gizartea aldatzeko tresna zuen. Hemengo egoera kulturalak, politikoak eta sozialak biziki kezkatzen zuen.” Artistaren ezinegona, bakardadea, barruan sentitzen zuen hutsa bere arte lanetan hutsaren bidez hain zuzen ere adierazi zituela nabarmendu digu Irigaraik. Oteiza fundazioko Patronatoko kidearen ustez, azken hamar urteotan “UPNko ordezkariek ez dute onartu Oteizak bere lana Nafarroan utzi izana, ez dute bere ondarea kudeatzen jakin”
Argazkia: Pamiela