Ostiralean epaitegira joan beharko du Miguel Sanz Nafarroako Gobernuko presidente ohiak Nafarroako Kutxako dieta mamitsu eta ezkutukoen kontura. Hilaren 18an eztabaidatu eta bozkatuko dute Parlamentuan Yolanda Barcinaren aurkako zentsura mozioa. Uxue Barkosek nabarmendu du ez duela interes pertsonalik Euskalerria Irratian. Diario de Navarra egunkariak gaur argitaratu du Euskalerria Irratiko akziodun izanik diru laguntzak eskatu zituela Kongresuan. Barkosek zehaztu du hedabideak, 1984an sortu zenetik, ez duela mozkinik banatu eta, beraz, legez jokatu duela.
