Etxe kaleratzeak eteteko eskatu diete epaileei Hipotekek Kalteturiko Herritarren Plataformek. Diote Europar Batasuneko Justizia Auzitegiak ebatzi berri duen bezala, Espainiako hipotekek legeak ez duela Europako arauekin bat egiten, eta horregatik, prozedura guztiak gelditzeko eskatu diete epaileei. Fiskalak bost urteko espetxe zigorra eskatu du Yolanda Barcinari tartak igurtzi zizkioten Mugituko lau kideen kontra. Autogobernua indar handiagoz defendatzeko eskatu die indar abertzaleei ELA sindikatuak. Dio trantsizio politikotik Espainiak ez duela gure autogobernua gaur bezain kinka larrian jarri. Horri aurre egiteko, tentsio politiko oso ahula nabari du ELAk. Nafarroaren historiari buruzko kurrikuluna aldatzeko eskatu diote Nafarroa bizirik ekimenak eta irakaskuntzako zenbait eragilek Nafarroako Gobernuari.