UKABIL hertsiarekin eguzkiaren forma osatzea. Baserrirainoko bide malkartsua. Bide ertzeko gurutzeak, sasi artean ezkutuak. Goroldioa. Azienda-ferien garaia oroitarazten duten esapideak. Mahai-kantuak. Pattarra. Hankarekin egindako mugimendu bakoitzarekin garai bateko herri kantaren doinuaren goitiberak mantendu eta indartzea. Berriz ez itzultzerik izanen ez duen gauaren azkenaldiko atariak egurrezko sarbidearen danbatekoaren oroiminarekin gibelean utziko ditu larreen ikusmirarekin ametsgaiztoetan sukarraren gisara asaldatutako iragan ankerraren zuri-beltzeko murriztapen sekularrak. Lur emankorraren gisan, sagar-dantzak gorputzak egunsentirik gabeko gau-akelarrera zizelkatzen ditu elurtearen ondoko zoruaren ernatzearean dardaraztean.
