E eguna heldu da. Caja Navarrako ordezkarien agerraldia Parlamentuan.
Izar nagusia Goñi, eta haren ondoan enpresarien burua, gehien saltzen den egunkariaren zuzendari nagusia eta ustezko sozialista bat. Azken hamarkadetako Nafarroa ofiziala hobeki islatzerik ez dago. Kasu honetan, konpainia da mezua.
Akusatuen aulkian jarriko direnen lagunek, momentuz, gehiengoa dute Parlamentuan. Oposizioak ikerketa batzordea nahi badu ere, nago sozialisten ordezkariak gaurkoarekin konformatuko direla, ematen duena ematen duela ere. Azken finean, koadrila berekoak dira, urteetan adiskideak.
Lorenzo Riezu Caja Navarrako zuzendari ohia da gaiaz gehien dakienetakoa. Azken asteotan, talde parlamentario gehienen deia jaso du, haren iritzia agerraldia prestatzeko baliagarria zelakoan. Bi alderdik, ordea, ez dute Riezuren iritzia ezagutu nahi. Bat UPN da, hau dena ahalik eta azkarren ahantzi nahi baitu. Ezetz asmatu zein den bestea…