Argazkiak aterki oihan bat erakusten du, goitik hartuta, Autonomia kalea luze-zabalean betetzen duela. Egon ziren biharamunean egunkari batzuetan beste argazki batzuk ere: presoen senideak zapi eta argiontziekin, politikoak, sindikatu buruak, beste eragile ezagun batzuk… Baita herritar xumeenak ere, banan bana, Bilbora zergatik joan ziren azaltzen. Baina ez dira hor agortu zapatukoak eragindako irudi guztiak.
Esaterako nola autopista autobus convoy luze batek hartzen zuen joanekoan nahiz itzuleran. Nola manifestazioa ibilbide nagusiaren kale paraleloetara zabaldu zen, gainezka eginda. Zazpi Kaleetan manifestazioaren ondoren bizi izan zen giroa, beste garai batekoak ziruditen txistulariekin, saga familiar osoak kantari…
Argazki xumeagoak ere jaso ditugu hurrengo egunetan, hitzez. Etxebarria parkean Hernaniko autobusa topatu ezinik zeharo blai eginda ibili zirenena. Oinak busti eta oraindik anginekin dagoen neskatoarena, hurrengo egunean looo luuuzeaaa egin behar izan zuen mutikoarena… Eta horrela
bezain partikular. Blai eginda denak, hori bai, eta ez bakarrik euriarekin.