Martin Etxeberria idazle zarauztarra izan da gaur protagonista gure hitz poetikoaren txoko honetan. Josetxo Azkonak maisuki irakurritako poemetan Martinen estilo zuzena eta ausarta dastatu dugu. Sexuarekiko bere grina, sentsazioez osatutako puzzleak, zine pelikula zatitxoak diruditen bere olerkiekin gozatzeko parada izan dugu.
Martinek Xabier bere anaia bixkiarekin elkarlanean idatzi ditu bere narrazio liburu guztiak, helduentzakoak zein haurrentzakoak ere, baina bere hiru poema liburuak berak bakarrik egindakoak dira.