Cervera auzia piztu zenetik astebetera, lehengoan gaude: auskalo nork eta zertarako antolatu duen. Batzuek, hasieran, argi ikusi zuten diputatu-ohia zela galtzailea eta Asiain, berriz, irabazlea.
Ez dut uste horrela denik. Besterik frogatzen ez den bitartean, Cerveraren bekatua arina dela esan genezake. Kutxari buruzko informazio misteriotsua ezagutu nahia ulergarria da, kazetari guztiok berdin-berdin eginen genuke. Gauza politikan ez omen duen profesio horretan ba al da hain gutxigatik dimisioa eman duenik?
Beraz, Cervera galtzaile, bai, dudarik gabe. Baina Asiain ere, Kutxaren ibilbide negargarria ahantzi nahi duten guztiak bezala.
Are gehiago, momentuz, eta besterik frogatzen ez den bitartean, aferak Asiain Cervera baino toki konprometituagoan utzi duela esanen nuke. Izan ere, niri behintzat larriagoa iruditzen zait nepotismoa kuxkuxero izatea baino.