Saioaren sarreran, Hipotekak Kaltetutako Plataformako kide Josu Ostak Espainiako Gobernuak etxe-kaleratzeen inguruan hartutako azken erabakiez eta gaur arratsalderako antolatu duten elkarretaratzeaz hainbat azalpen eman dizkigu. Horren ostean, solasaldi politikoaren tartean Bilduko Bakartxo Ruiz, Nafarroa Baiko Xabi Lasa eta Geroa Baiko Manu Aierdi aritu zaizkigu, atzo ospatu zen Nafarroaren Egunaz eta gaur legebiltzarrean hasi den Erreforma Fiskalaren eztabaidaz. Aurrera jarraituz, Castillo Suarez olerkari sakandarrak “urtebetetze festa” izenburuko bere azken liburua aurkeztu du gurean. Hark hautatutako hainbat poesia ere entzuteko parada eduki dugu. Amaitzeko, Asier Altuna “Bertsolari” dokumentalaren egilea Irrintzi Dorrean izan dugu. Eguzki Bideoak-ek DVD sisteman plazaratu du zinegile gipuzkoarraren lana eta horren aitzakian luze eta zabal aritu gara solasean. Iritziaren tartean, Josi Basterretxea irakaslea eta Fermin Erbiti kazetaria.