Bihar, Euskalerria Irratiaren 25. urteurreneko gala eginen dugu. Bertan izanen da, besteak beste, Ruper Ordorika. Abeslari oñatiarrarekin hitz egin dugu saioaren hasieran. Diputatuen solasaldian, Geroa Baiko Uxue Barkos eta Amaiurko Sabino Cuadra Rajoiren gobernuaren lehenengo urteaz aritu zaizkigu solasean. Iosu Royo zientzialariarekin Sandy hurakanak eragindako txikizioez mintzatu gara. REAS elkarteko kide David Garnatxori borroka eta irudimena nola uztar litezkeen galdetu diogu. Pankartatik haratago nola astindu imaginazioa protesta egiteko. Jon Celestino musikariaren eskutik Espainiako ska erritmoak entzuteko parada izan dugu. Iritziaren atalean bi lagun: Joxi Basterretxea irakaslea eta Fermin Erbiti kazetaria.
