TTIPI-TTAPA aldizkariaren azken alea izan dugu mintzagai, Aitor Arozenak kontatu dizkigu bertan aurkitu daitezkenak, asteak ekarriko dituen agenda kontuak bildu ditu Maialen Huarte lankideak, Burutazioaren tartean Lur Albizu gonbidatu dugu. Euskalgintzaren txokoak izaten ditugu solasgai Kike Diez de Ulzurrunekin, gaurkoan Estafeta kalean aritu gara berarekin Juan de Amendux olerkariaren inguruan. "Landare" elkarteko Juanma Intxaurrandieta eta Maider Galarraga izan dira hurrengo gonbidatuak, elikagai ekologikoen kontsumo elkarteetarako jardunaldi teknikoak antolatu dituzte Azaroaren 10 eta 11 an Atarrabiako Kultur Etxean. Bukatzeko Martin Juanenak asteburuak eman dituen kirol emaitzak bildu ditu gurean.