Etzi eginen dugu Euskalerria Irratiaren 25.urteurrenaren jaialdia Atarrabian. Balerdi Balerdi taldea bertan izanen da. Gitarra-jotzaile eta kantari Toño Murok asteazkenean eskainiko dituzten abestiez hitz egin digu saioaren sarreran. Ander Txintxurreta eta Asier Legarda-Ereño kirol kazetariekin solasaldi gorritxoa egin dugu atzo Osasunak jokatu zuen partiduaz hitz egiteko. Lipulakastak pasa den asteak utzitako tuit interesgarrienak aukeratu dizkigu. Zientziaren fikzioa egitera etorri zaigu Patxi Uharte Zaldi Eroa. Gaurkoan, meteoritoak mintzagai. Miren Harizmendi terapeuta errealitate inmaterialari buruz aritu zaigu. Amaitzeko, Ekaitz Santazilia, NUPeko irakasleak euskararen inguruko topikoak mintzagai izan ditu. Iritziaren tartean, Aitor Etxarte irakaslea izan dugu.