Pejenaute auziaren inguruan azalpenak eman beharko ditu Yolanda Barcinak Parlamentuan. Ordea, Nafarroako Kutxan gertatu dena ikertzeari beste behin ezetza eman diote gaurko Mahai eta Eledunen batzarrean sozialistek UPN eta PPrekin batera. Eta gaur, hain zuzen ere, aurkeztu ditu Barcinaren Gobernuak heldu den urterako aurrekontuak: aurten baino %8,8 gutxiago gastatzea espero du, baina, hala ere, dio ziurtatu eginen dituela oinarrizko zerbitzu publikoak. Nafarroa baik talde parlamentariotik kanpo utzi ditu Manu Ayerdi eta Patxi Leuza. Begoña Zabala ekintzailearekin ere hitz egin dugu Estelle Askatasunaren Flotillaz. Eta Gakoa, gaur, Nekane Perezek.