Deskonkistarako deia zabaldu du Asisko Urmenetak Arratsalde.on saioan. Hitzordua, Donapaleun lotu dute, astebuu honetan. Eta horri begira agiria ere karrikaratu dute: "1512ko uda bururatzerako, Nafarroak amore eman du espainiar armadaren aitzinean: Erresuma konkistaturik dago. Osoki? Ez! Donapaleura biltzen ari dira, merinalde guztietatik iheska jin patriotak, eta bertan, LIBERAZIO ARMADA osatzera deitu dute irail hondarrean: “Erresuma neutrala indarrez usurpatu, okupatu eta tiranizatu” dutenen kontra. Bi aste beranduago, milaka bolondresez osatu oldea abian da Iruñeara buruz; Hiriak eta eskualdeak altxatu dira, eta 1512ko urriaren erditsuan Nafarroa bere Independentzia berreskuratzeko zorian da… Egitate historiko honetan oinarri, DESKONKISTA KOLEKTIBOA aldarrikatuko dugu Donapaleun, 2012ko Urriaren 14an. Iparraldetik Mendebaldera, Ekialdetik Hegoaldera. Zatozte Euskal Herri guztitik!!! Bai eta Gaskoina eta Kataluniako lagun eta ahaide! Karrika-Kurri koloretsua; Festa eta umore onenak!!!".
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!